Учениците се секогаш расположени да создадат весела атмосфера низ ходниците и да измамат насмевки и опуштена комуникација со своите професори. Денешниот меѓународен ден на здравјето беше одбележан со учество на сите ученици во подготовка на штандови со здрава храна. Докажано е дека учениците најдобро знаат да учат едни од други преку секојдневни ситуации. Денешните четири штанда кои беа подготвувани на ниво на генерација беа една применета лекција за здрава исхрана.

Во последно време сè почесто се распостелуваат чаршафите и на клупите се монтира богата трпеза за којашто сите плаќаат со симболична цена.

Овие штандови на здравата исхрана беа во контекст на целонеделната кампања на спортистите кои ги мотивираа своите соученици да се грижат за своето здравје. Спортувањето и здравата исхрана се две неразделни алки во синџирот наречен здравје.

ЦЕЛОСНАТА ФОТОГАЛЕРИЈА МОЖЕ ДА ЈА ПОГЛЕДНЕТЕ НА ОФИЦИЈАЛНАТА ФЕЈСБУК СТРАНИЦА. (КЛИК ТУКА)