Денеска, 22 септември, во светот се одбележува „Ден без автомобили“, па така младите струмичани заедно со градоначалникот Костадин Костадинов излегоа на улица со велосипеди, со цел да се подигне свеста на граѓаните за пешачењето и возењето на велосипед.

Денот без автомобили се одбележува преку програмата на Општина Струмица „Европска недела на мобилност“ која се одржува од 16 до 22 септември. Настанот е во организација на Општина Струмица, Еколошкото друштво „Планетум“ и Велосипедскиот клуб „Актив“.

На дефилето учествуваа ученици од основните и средните училишта во Струмица, меѓу кои и ученици од нашето училиште предводени од професорот Атанас Цикарски. Градоначалникот Костадинов апелираше до сите граѓани возењето велосипед и пешачењето да го направат свое секојдневие, за наше добро и за добро на генерациите после нас.

ФОТО: МИТКО НИКОВ