Во рамките на кампањата „16 дена активизам против родово базирано насилство“, претставничката на Мисијата на ОБСЕ во Република Северна Македонија Радмила Карпузовска- Ончевска и специјализираните обучувачи од Министерството за внатрешни работи Емилија Велкоска и Ромео Дробаров одржаа интерактивна работилница во нашето училиште на тема „Сајбер насилство и како да се заштитиме од него“.

Цели на работилницата беа:

Подигање на свеста за ризиците од користењето интернет и социјални мрежи;

Совети за учениците како да препознаат сајбер насилство и како да постапат во таква ситуација;

Да ги осознаат последиците од злоупотребата на напредната технологија;

Да делуваат понатаму со пренесување на пораките од работилницата меѓу нивните соученици.