Од 5 до 7 декември делегација од пет професори по Математика и десетина ученици – добитници на златни медали на натпреварот „Математика без граници“ предводени од директорката Невенка Стојанова престојуваа во градот Банско во Република Бугарија каде што зедоа учество во низа активности.
![Ученици кои учествуваат на работилницата позираат со својот постер](http://jsandanski-strumica.edu.mk/wp-content/uploads/2017/12/25181623_10212410013383147_81208129_n-640x480.jpg)
Десет ученици од нашето училиште кои се добитници на златни медали од натпреварот „Математика без граници“ кој беше организиран од Министерството за образование на Република Бугарија а во соработка со Министерството за образование и наука на Република Македонија учествуваа во работилница „Мојата животна линија“ каде што заедно со ученици од гимназијата во Банско разменија свои искуства и идеи.
Додека пак, директорката Невенка Стојанова имаше средба со д-р Милен Врабевски, чија фондација „Бугарска памет“ организира натпревар на тема „Коридор 8“ кој ќе се одржи во месец февруари во Софија, а на која ќе учествуваат неколку тимови од СОУ „Јане Сандански“ – Струмица.
![Д-р Милен Врабевски одржува говор во чест на Никола Вапцаров пред неговиот споменик во градот Банско](http://jsandanski-strumica.edu.mk/wp-content/uploads/2017/12/25075602_10212410013503150_1429925626_o-640x336.jpg)
Во меѓувреме, на 7 декември групата имаше прилика да присуствува и на одбележувањето на годишнината од раѓањето на поетот Никола Вапцаров во неговиот роден град.