Ученикот од прва година од 23-28 јуни беше дел од македонскиот тим кој ја претставуваше земјата на Јуниорската Балканска Олимпијадапо информатика.

Македонските информатичари на Осмата Јуниорска балканска олимпијада по информатика (ЈБОИ 2014) во Белград имаа мошне успешно претставување со освоени два бронзени медала.

Како дел од настанот Mathematical Grammar School Cup 2014 на годинешната Јуниорската балканска олимпијада учествувале тимови составени од најмногу четворица информатичари-средношколци кои доаѓаат од Босна и Херцеговина, Бугарија, Грција, Македонија, Молдавија, Романија, Србија и Таџикистан како поканет учесник.

Димитар Бајрактаров се закити со бронзен медал на неговото прво највисоко натпреварување со интернационален карактер.

Учеството на натпреварот традиционално го организира Здружението на информатичарите на Македонија, годинава со поддршка од Нордеус и Ассеко – СЕЕ, светли примери за општествена одговорност од многуте македонски ИТ компании, како и на државната Агенција за електронски комуникации.

Големи честитки до успехот на нашиот млад информатичар кој сега заслужено може да го „троши“ својот летен распуст!